MWANZA WAIBUKA KIDEDEA KATIKA SHINDANO LA UANDISHI WA BARUA SIKU YA POSTA DUNIANI.

Mwanafunzi Revotha Selestine (Mwenye kinasa Sauti) akitoa shukrani kwa niaba ya wanafunzi wenzake katika Maadhimisho ya Siku ya Posta Duniani yaliyoadhimishwa jana Octoba 09,2015 kwa ngazi ya Mkoa wa Mwanza katika Jiji la Mwanza zilipo ofisi za Shirika la Posta Mkoani Mwanza.

Na:George Binagi-GB Pazzo

Katika Shindano la Uandishi wa Barua lililoshirikisha wanafunzi zaidi ya 2,000 nchi nzima, aliibuka mshindi wa nne Kitaifa huku mshindi wa pili pia kitaifa akitokea Mkoani Mwanza.

Katika shindano hilo lililokuwa na kichwa cha habari kisema "Tueleze kuhusu dunia ambayo ungependa kuiishi", Mkoa wa Mwanza ulitoa washindi watano kati ya 10 Kitaifa na hivyo kuibuka kidedea katika shindano hilo na kufuatiwa na Mkoa wa Tanga.

Washindi kumi wa shindano hilo ni Irene Ambrose Gindo (Kifungilo Girls Secondary School-Tanga), Anitha Mutembukwa (St.Joseph Girls School-Mwanza), Anna Godlove (Kifungilo Girls Secondary School-Tanga), Revotha Selestine (St.Joseph Girls Secondary School-Mwanza) na Victoria Nsajigwa Mbije (Kifungilo Girls Secondary School-Tanga).

Wengine ni Careen Edwin Mlay (St.Marry's Mazinde Juu Secondary School-Tanga), Richard Samwel Yadoma (Buswelu Secondary School-Mwanza), Miriam Amini Msuya (St.Marry's Mazinde Juu Secondary School-Tanga), Febronia Mkama (St.Joseph Girl's Secondary School-Mwanza) pamoja na Angela Ananias (St.Joseph Girls Secondary School-Mwanza) ambapo katika ya washindi hao kumi, mvulana ni mmoja tu.

Siku ya Posta duniani ilianza kuadhimishwa na nchi mwanachama wa jumuiya ya Umoja wa Mataifa tangu mwaka 1874 ambapo Tanzania ilijiunga na umoja huo tangu mwaka 1963.

Kutoka Kushoto ni Mkuu wa Shule ya Sekondari St.Joseph Girls ya Mkoani Mwanza Agnes Medard, Mwakilishi wa Mgeni rasmi Afisa Elimu Mkoa wa Mwanza Baseki Josephat Sheja, Meneja wa Shirika la Posta Mkoa wa Mwanza Julius Chifungo pamoja na Mwakilishi wa Mkuu wa Shule ya Sekondari Buswelu ya Mkoani Mwanza Mwl.Ruth Maboto

Kutoka Kushoto ni Mkuu wa Shule ya Sekondari St.Joseph Girls ya Mkoani Mwanza Agnes Medard, Mwakilishi wa Mgeni rasmi Afisa Elimu Mkoa wa Mwanza Baseki Josephat Sheja pamoja na Meneja wa Shirika la Posta Mkoa wa Mwanza Julius Chifungo.

KWA PICHA ZAIDI BOFYA HAPA.